Studeju programa dūd vareibu studentim sajimt augstvierteigys zynuošonys i prasmis, kai i storpdisciplinaru skatejumu baltistikys studeju jūmā humanitarajuos i socialajuos zynuotnēs, sagatavej profesionalus i konkurēt vareigus jaunūs zynuotnīkus baltistikys storpdisciplinarajuos studejuos. Jaunajim doktorim teik pīduovuota vareiba meklēt jaunus rysynuojumus Baļtejis kulturtelpys sovdabeibys saglobuošonai, palīkūt par liderim i ekspertim, atteistūt izpratni par ituo regiona kūpejū ideņtitati i nūdrūšynojūt kulturys dialogu i sadarbeibu zynuotnē i izgleiteibā storp Latveju i Leitovu.

Sajamamais grads: doktora grads filologejā (Dr. philol.).

Studeju garums: 3 godi (pylna laika studejis), 4 godi (napylna laika studejis).

Īprīkšejuo izgleiteiba: magistra grads humanitarajuos ci socialajuos zynuotnēs.

Studeju programys saturs:

• Myusu dīnu literaturys teorejis: kognitivuo poetika,

• Aktualī vaicuojumi Baļtejis viesturē i kulturā,

• Metodis literaturzynuotnē i folkloristikā,

• Īvods datorlingvistikā,

• Kognitivuo lingvistika,

• Myusu dīnu teņdeņcis i metodis volūdnīceibā,

• Humanitarūs i socialūs zynuotņu metodologeja,

• Baļtejis ideju viesture i filozofiskuo dūma.

Studeju volūdys: angļu, latvīšu, lītuvīšu.

Akademiskais personals: prof. Dr. habil. phil. N. Naua (Poznaņa, Pūleja), asoc. prof. Dr. philol. I. Šuplinska, asoc. prof. Dr. philol. A. Juško-Štekele, asoc. prof. Dr. philol. S. Lazdeņa, (Rēzekne, Latveja), asoc. prof. Dr. philol. A. Utka, asoc. prof. Dr. philol. I. Žakevičiene, Dr. philol. L. Buazū (Kauņa, Leitova), Dr. phil. S. Krūmiņa-Koņkova, Dr. hist. I. Ruņce (Reiga, Latveja).

Kontaktinformaceja: ilga.suplinska@ru.lv