Korpusa raksturuojums:
• 1 miļjonu vuordlītuojumu lels;
• specializāts korpuss — juo pamatā ir konkreta tekstu grupa: Latvejā laikā nu Atmūdys da myusu dīnu (1988-2012) latgalīšu rokstu volūdā publicāti teksti;
• leidzsvoruots — volūdys olūti ir īkļauti nūsaceituos proporcejuos atbylstūši latgalīšu rokstu volūdys lītuojuma specifikai;
• tekstim ir dalykti bibliografiskī metadati;
• olūtu veids — drukuoti (gruomotys, periodika i c.) i elektroniski teksti (sātyslopys, dīnroksti);
• reprezentej treis tekstu veidus: literarūs tekstus (daiļliteratura, dokumentaluo literatura i c.), tehniski specialūs tekstus (zynuotniskī, popularzynuotniskī, lītiškī teksti i c.) i informativūs tekstus (publicistika, zinis i c.).
Myusu dīnu latgalīšu tekstu korpuss ļaun veikt pietejumus vysaiduos zynuotņu nūzarēs, izstruoduot gramatikys, vuordineicys, vuiceibu leidzekļus i cytus volūdys resursus i reikus, tai sekmejūt latgalīšu rokstu volūdys izpieti, sasaglobuošonu i atteisteibu.
Myusu dīnu latgalīšu tekstu korpuss (MuLa)
Korpus breivi pīejams škārsteiklā ari puslopā http://www.korpuss.lv.